متصنفنيش
متلفّش حبل الموت علي قلبي
أنا قلبي فراشه في وسط الخلق تعيش
أنا ضحكة طفل برئ
كان فارد حلمه في حضن الريح
وسط المرجيح
ورماه الحلم في خانة يك
وعقارب عمره المش مظبوطه
خانت حلمه ونزلت فيه تلطيش
أنا دمعة أم وحيدة
وآهة أب مريض
ونزيف الباطل حق
وصراخ ال (حاضر) لأ
وجنين مجنون بيعدي اللجنة بدون تفتيش
ترانيم الليل
وسكوت الفجر
تسبيح الصبح
وجنون الشارع بعد الضهر
ونزول المطره بدون إنذار
رحمه بتنزل ع المحزون تخاطيف
بتداوي جروحه ومبتشفيش
... متصنفنيش
1 تعليقات:
:)
إرسال تعليق